23/5/18

DÍA DAS LETRAS GALEGAS


Con motivo do Día das Letras Galegas, as nenas e nenos do colexio asistiron a diversos espectáculos. Os mais pequenos recibiron “As Maimiñas”. O alumnado de terceiro e cuarto presenciaron a actuación do mago Javier Muro. E as nenas e nenos de quinto e sexto aprenderon a facer regueifas.




11/5/18

IX EDICIÓN DE "TUI LE"

A Biblioteca do CEIP Nº2 de Tui organizou, unha vez mais, xunto coas bibliotecas do resto de centros educativos de Tui e a Biblioteca Pública Municipal, a edición IX de TUI LE 2018, co gallo da celebración do Día das Letras Galegas, dedicado á escritora María Victoria Moreno. Para iso as nenas e nenos do Nº2 construiron unha pancarta sobre a autora.






Hoxe no TUI LE, que tivo lugar na Praza de San Fernando de Tui, puideron recitar poesía e compartir unhas pezas musicais con todos os participantes dos demais colexios e institutos. Os encargados e encargadas de representar ao CEIP Nº2 de Tui foron as nenas e nenos de Educación Infantil e de 6º de Educación Primaria.




 





23/4/18

DÍA DO LIBRO

Hoxe celebramos o Día do Libro (23 de abril). Dende o equipo da Biblioteca organizamos unha actividade de "Contacontos entre aulas irmandadas". Así que léronse libros uns a outros, e todo iso... nos corredores, no patio...



Logo os nenos e nenas ilustraron os contos que leron en grandes murais ao redor do pavillón. O pasaron en grande!, foi una xornada de lectura fantástica!



29/3/18

ANIMACIÓN Á LECTURA EN RADIO TUI

As nenas e nenos de 5ºA visitaron Radio Tui para compartir cos ointes un fantástico libro "A señorita Bubble". É un libro gracioso, interesante e cheo de secretos. Conta a historia desta personaxe, unha inventora, a señorita Bubble, que desde o primeiro día que chega á vila toda a xente sinte un odio repentino por ela. A inventora apareceu por sorpresa unha mañá solleira, conducindo un convertible que funcionaba a vapor, e instalouse naquela vivenda que levaba tantos anos deshabitada. Repudiárona polo seu...



26/3/18

ANIMACIÓN Á LECTURA EN RADIO TUI

Os nenos e nenas de 6ºB elaboraron una serie de relatos curtos. Podedes escoitalos neste audio. Parabéns por esta magnífica creación literaria!!


23/3/18

SOMOS CIENTÍFICAS E CIENTÍFICOS... NA BIBLIOTECA

Hoxe rematou na Biblioteca a celebración do Día da Ciencia. Durante toda a semana celebramos unhas xornadas de obradoiros sobre magnetismo, electricidade, robótica... As monitoras e monitores dos obradoiros foron o alumnado de 6ºC. Aputáronse prácticamente todos os nenos e nenas de Primaria, converténdose a Biblioteca durante este días nun gran recuncho "Maker". Foi tal o éxito que sen dúbida volverémolo a repetir!!. Moitas grazas pola axuda a todas as nenas e nenos do centro.

O ALUMNADO APRENDE A PINTAR

Este mes viñeron grandes pintores e pintoras para ensinar ao alumnado do centro as diferentes técnicas de pintura con motivo do noso Proxecto de Centro (PDI) sobre pintura. Realizáronse obradoiros de óleo, pasteis e acrílicos.

Belén Abalde, pintora viguesa, impartiu o obradoiro de pasteis ao alumnado de 1º, 2º e 3º de Primaria.


Antonio Abalde, pintor vigués, impartiu o obradoiro de óleo ás nenas e nenos de 4º, 5º e 6º de Primaria.


... e a pintora Eugenia Díaz encargouse de ensinar a técnica de pintura acrílica aos nenos e nenas de Infantil. As nenas e nenos de 6º colaboraron no obradoiro traballando cos mais pequenos.


O alumnado o pasou xenial, aprenderon moito e deixaron voar a súa creatividade. Parabéns para as nosas e nosos artistas!!

14/3/18

SEMANA DA CIENCIA


Semana da Ciencia na Biblioteca! do venres 16 ao 23 de marzo. Durante os recreos os nenos e nenas do CEIP Nº2 poderán participar en Obradoiros de robótica, electrónica… Animádevos!!!

E lembrade tamén, que todos os recreos está en funcionamiento na Biblioteca o “Recuncho Maker”.

7/3/18

DIA DA MULLER 2018

Este 8 de marzo celebramos desde a biblioteca o Día Internacional da Muller 2018. 

Podedes vir á Biblioteca para celebrar este importante día! velahí dous exemplos de libros que compilan as vidas de grandes mulleres.


No libro “As mozas son guerreiras”, reúnense as vidas alucinantes de 26 superguerreiras. Algunhas son moi famosas e outras non tiveron a mesma sorte, pero todas elas fixeron cousas incríbles polas que merecen estar no Olimpo dos Deuses. Que debería ser tamén o Olimpo das Deusas, así que? vaian facendo sitio, que as mozas guerreiras viñeron para quedarse!
Quen dixo que as mozas non eran de ciencias?As mozas son de Ciencias” é outro título que da 25 exemplos de supercientíficas que demostran que as mozas e os laboratorios son unha boa combinación.
Sabes cantos descubrimentos científicos debemos ás mulleres? Aínda que nos libros de historia pareza que as ciencias son cousa de homes, diso nada: desde Agnodice, a primeira médica coñecida da historia, ata Rosalind Franklin, a química que descubriu a estrutura do ADN, pasando por VeraRubin, a astrónoma que viu o que ninguén vía, as mulleres foron pioneras en ciencias desde o inicio dos tempos. 

23/2/18

DIA DE ROSALIA

O 24 de febreiro Rosalía de Castro está de aniversario, unha xornada a celebrar festexando á gran poetisa galega. Hoxe na escola os nenos e nas recitaron, cantaron e dramatizaron algúns dos poemas da autora. A próxima semana faremos unha exposición con todos os cadros que pintou o alumnado sobre cada poema.